मोटरसाईकलले साईकललाई ठक्करदिदा साईकल चालकको मृत्यु

धनगढी

    मोटरसाईकलको ठक्करबाट एक जनाको मृत्यु भएको छ । कैलालीके कैलारी गाउँपालिका ७ हुलाकी राजमार्गमा ग ७ प ७८३ नम्बरको मोटरसाईकलले साईकललाई ठक्कर दिदा साईकलमा सवार ५० वर्षीय लाहुराम चौधरीको मृत्यु भएको जिल्ला प्रहरी कार्यालय कैलालीले जनाएको छ ।

     प्रहरी कार्यालयका प्रवक्ता प्रतिक विष्टले ठक्करबाट गम्भीर घाईते भएका चौधरीको सेती प्रादेशिक अस्पतालमा उपचारका क्रममा मृत्य भएको बताए ।

    उनका अनुसार दुर्घटनामा मोटरसाईकल चालक कैलारी ७ कै २० वर्षीय अमित चौधरी पनि गम्भीर घाइते भएका छन् । उनको सेती अस्पतालमा उपचार भईरहेको छ । मोटरसाईकल पछाडी सवार २१ वर्षीय विष्णु चौधरी पनि सामान्य घाईते भएका छन् ।