कोरोनाका कारण मृत्यु भएकी महिला संगै डायलासिस गराएका पुरुषमा कोरोना पुष्टि

धनगढी

   दस दिन अघि सेती प्रादेशीक अस्पतालमा डायलासिस गराउने क्रममा मृत्यु भई कोरोना पुष्टि भएकी महिलासंगै डायलासिस गराएका एक पुरुषमा पनि कोरोना देखिएको छ ।

धनगढी उपमहानगरपालिका वडा नम्वर ४ महिमा टोलकी ५५ बर्षीय महिलाको डाईलासिस गराउने क्रममा दस दिन अघि सेती प्रादेशीक अस्पतालमा मृत्यु भएको थियो । उनको मृत्यु पछि  स्वाव परिक्षण गर्दा कोरोना पुष्टि   भएको    थियो ।

   उनी संगै किड्नीको डायलासिस गराएका धनगढी उपमहानगरपालिका ३ का ४३ बर्षिय पुरुषमा पनि कोरोना संक्रमण पुष्टि भएको छ । नियमित सेती अस्पतालमा डायलासिस गराई आफ्नै घरमा रहेका ति पुरुषमा शनिवार कोरोना पुष्टि भएको हो । घरमै रहेका उनलाई अत्याधिक ज्वरो आएर कोरोनाको जस्तो लक्षण देखिएपछि वडा कार्यालयको पहलमा स्वाव परिक्षण गराएको वडा अध्यक्ष बल बहादुर ऐरले बताए ।

 ति पुरुषलाई आजै सेती प्रादेशीक अस्पतालमा ल्याउने तयारी भएको  छ । घरमै बसेका उनलाई कोरोना देखिएपछि वडा  कार्यालय नजिकै रहेको ति पुरुष भएको टोल सील गरीदैछ ।

   मृत्युपछि कोरोना पुष्टि भएकी महिमा टोलकी ति महिलाका परिवारका सदस्य सहित छिमेकीको रिपोर्ट भने नेगेटिभ आएको थियो ।