नवजीवन अस्पतालको आईसियुमा रहेका पुरुषमा कोरोना पुष्टि

धनगढी

    धनगढीको नवजीवन अस्पतालमा उपचार गराईरहेका एक पुरुषमा कोरोना पुष्टि भए पछि कोरोना अस्पतालमा सारिएको छ  ।

   सेती प्रादेशीक अस्पताल धनगढीका सुचना अधिकारी दिलीप कुमार श्रेष्ठका अनुसार गोदावरी नगरपालिका वडा नम्बर ४ का ४३ बर्षीय पुरुषमा शनिवार राति ११ बजे कोरोना पुष्टि भएको हो ।

    उनी केही दिनदेखि नवजीवन अस्पतालको आईसियुमा उपचार गराईरहेका थिए । सुचना अधिकारी श्रेष्ठका अनुसार ति बिरामी नवजिवन अस्पताल ल्याउनु अघि धनगढीकै माया मेट्रो अस्पतालमा उपचार गराएका थिए ।

    ईर्मेजेन्सी केस भएका कारण शनिवार राति नै धनगढी स्थित प्रयोगशालामा जाँच गरिएको सुचना अधिकारी श्रेष्ठले बताए ।