बझाङमा जेसिबी दुर्घटना हुँदा एक जनाको मृत्यु

धनगढी

  बझाङमा जेसिबी दुर्घटना हुँदा एकजना स्थानीयको मृत्यु भएको छ ।

     बुंगल नगरपालिका वडा नम्बर १ को दहबगरमा आईतबार राती लु १ क १२७८ नम्बरको जेसिबी दुर्घटना हुँदा स्थानीय ३४ वर्षीय मानबहादुर बोहोराको मृत्यु भएको जिल्ला प्रहरीले कार्यालय बझाङले जनाएको छ । 

जिल्ला प्रहरी कार्यालयका प्रहरी निरिक्षक नेत्रबहादुर बोहोराका अनुसार दुर्घटनामा जेसिबी चालक सहित थप तीन जना घाईते भएका छन् । घाईते हुनेमा बुंगल नगरपालिका वडा नम्बर ९ का जेसीबी चालक २४ वर्षीय महेश खडायत, वडा नम्बर १ का २७ वर्षीय रामबहादुर बोहरा र ५० वर्षीय प्रताप धामी रहेको प्रहरी निरिक्षक बोहोराले जानकारी दिए ।

  उनीहरुको तिनै जनाको अवस्था गम्भीर रहेको प्रहरीले जनाएको छ । तीनै जनालाई थप उपचारका लागि धनगढी पठाईएको छ ।