२ लाख ४४ हजार नगद सहित १९ जुवाडे पक्राउ

धनगढी

 कञ्चनपुरबाट २ लख ४४ हजार १ सय ८० नगद सहित १९ जुवाडे पक्राउ परेका छन् ।

प्रहरीका अनुसार कञ्चनपुरको शुक्लाफाँटा नगरपालिका–२ बाट प्रहरीले बिहीबार राती राती साढे १२ बजे १९ जना जुवाडेलाई जुवा खाल बाटै पक्राउ गरेको हो ।

 जिल्ला प्रहरी कार्यालय कञ्चनपुरका प्रहरी प्रबक्ता प्रहरी नायव उपरिक्षक अमरबहादुर थापाका अनुसार जुवातास भइरहेको भन्ने सूचनाका आधारमा परिचाल गरिएको प्रहरी टोलीले कैलालीको गोदावरीका सात जनासहित १९ जनालाई पक्राउ गरेको हो ।

 शुक्लाफाँटा नगरपालिका वडा नम्बर २ मा रहेको डबल बहादुर ऐरको खाजा घरभित्र जुवा खेलिरहेको अवस्थामा उनीहरुलाई पक्राउ गरिएको थापाले बताए ।

 उनीहरुलाई दुई लाख ४४ हजार एक सय ८० रुपैया नगदसहित पक्राउ गरिएको थापाले बताए । पक्राउ परेका सवै जना जिल्ला प्रहरी कार्यालय कञ्चनपुरको हिरासतमा रहेका प्रहरी नायव उपरिक्षक थापाले बताए ।