बृद्ध बाजे बजैको संरक्षणमा रहेकी १२ बर्षिय वालिकाको यौन दुर्व्यवहार पछि हत्या

धनगढी

     बृद्ध बाजे बजैको संरक्षणमा रहेकी बझाङमी १२ बर्षिया वालिकाको बुधबार राती बिभत्स तरिकाले हत्या गरिएको छ । ति वालिकाको शब घरभन्दा दुई किलोमिटर टाढा स्थानीय एक मन्दिरमा फेला परेको   थियो । हत्याको आशंकामा स्थानीय एक जनालाई प्रहरीले पक्राउ गरेको छ ।

    मष्टा गाउँपालिका वडा नंम्बर २ खिकालाकी १२ बर्षिया सम्झना कामी बिहिवार पशु चौपाया बाँध्न सिमछानामा गएकी र राती अबेर सम्म  घर नआएपछि खोजी गर्दै जाँदा सोही राती गाउँभन्दा झण्डै २ किलोमिटर टाढा सिम मन्दिरमा उनको शव फेला परेको थियो । वालिकाको शरिर भरी निलडाम र नग्न अबस्थामा शव भेटिएको मष्टा गाउँपालिका वडा नम्बर २ का वडा अध्यक्ष शेरबहादुर खड्काले बताए । उनका अनुसार बालिकाले कानमा लगाएका मुन्द्रा समेत लुटेर लगेका छन् ।

   वालिकाको शब फेला परे लगत्तै मंगलबार राती  नै घटना स्थल पुगेका जिल्ला प्रहरी कार्यालय बझाङका प्रमुख प्रहरी नायब उपरिक्षक रुपक खडकाले घटनाको प्रकृती र बस्तु स्थिती हेर्दा बलात्कार पछि हत्या भएको हुन शक्ने बताए । उनले भने–‘म मंगलबार राती नै घटना स्थल पुगेर सबै बस्तु स्थिती हेरे अबस्था हेर्दा बलात्कार पछि हत्या जस्तो नै   देखिन्छ ।’

  तर प्रहरी प्रमुख खड्काले पोष्टमार्टको रिपोट नआउन्जेल केही भन्न नसकिने बताए । बिहिवार बेलुका जिल्ला अस्पताल बझाङमा शबको पोष्टमार्टम गरिएको र आज बेलुका सम्म रिपार्ट आउने प्रहरी नायब उपरिक्षक खडकाले जानकारी दिए । उनले भने–‘घटनामा संलग्नको आशंकामा एक जना स्थानीय पक्राउ परेका छन्, थप अनुसन्धान भईरहेको  छ ।’

 बालिकाका बुबाआमा भने बिगत ३ बर्ष देखि रोजगारीको शिलशिलामा भारतमा रहेका छन् ।  घरकी जेठी छोरीका रुपमा रहेकी ति वालिकाका दुई बहिनी र एक भाई रहेका छन् । दसई बहिनी सहित मृतक वालिका बृद्ध बाजे बजैको संरक्षणमा रहेका थिए । एक भाई भने आमाबुवा संगै भारतमा रहेका छन् ।

‘स्थानीय बिद्यालयमा कक्षा ६ मा अध्ययनरत ति वालिका अरु बहिनीको अभिभावक जस्तै रहेकी थिईन’ मष्टा गाउँपालिकाका अध्यक्ष कर्ण कठायतले भने–‘बाजे बजै बृद्ध रहेकाले घरको सबै जिम्मा ति वालिकाको नै थियो ।’ उनले घटनालाई गम्भिरतापुर्वक लगेर अनुसन्धान गरि दोषिलाई कार्वाहीका लागि स्थानीय प्रहरी प्रशासनलाई आग्रह गरिएको बताए । अध्यक्ष कठायतले भने–‘गाउँपालिकाका तर्फबाट घटनाको अनुसन्धानका लागि पुर्ण सहयोग गरिरहेका छौं, दोषिले उन्मुक्ति पाउनु हुन्न ।’ घटना हेर्दा जघन्य अपराध देखिएकाले गम्भिरतापुर्वक लिई थप अनुसन्धान गरिरहेको जिल्ला प्रहरी कार्यालय बझाङका प्रहरी प्रमुख प्रहरी नायव उपरिक्षक खड्काले बताएका छन् ।