कैलालीको गेटामा रहेका चार पसलमा आगलागी

धनगढी

    गोदावरी नगरपालिकाको गेटामा रहेका चार पसलमा आगलागी भएको छ । गोदावरी नगरपालिका ५ गेटामा रहेका चार पसलमा आगलागि भएको हो । आगलागीबाट गेटा आँखा अस्पताल अगाडी रहेका चार वटा पसलमा क्षती भएको छ  ।

   बिद्युत सर्ट भएर आगलागी हुँदा एक होटल र तीन किराना पसलमा क्षती भएको ईलाका प्रहरी कार्यालय मालाखेतीका प्रमुख तथा प्रहरी नायव उपरिक्षक ज्ञानवहादुर विष्टले बताए ।

   केशब बोहराको चिया नास्ता पसल, जगदिश चौधरी, रमेश चौधरी र शिवचरण रानाको किराना पसल जलेर नष्ट भएको विष्टले बताए । गोदावरी नगरपालिकाको दमकल र गेटामा रहेको प्रहरी बिटबाट खटिएको प्रहरीको टोलिले आगो नियन्त्रणमा लिएको हो ।