खोलामा बगेर बाजुरामा एकै परिवारका ५ जना बेपत्ता

धनगढी

 बाजुरामा खोलामा बगेर एकै परिवारका ५ जना वेपत्ता भएका छन् ।

 प्रहरीका अनुसार बाजुरको हिमाली गाउँपालिका–५ मा पर्ने  कवाडी खोलामा बगेर एकै परिवारका ५ जना बेपत्ता भएका हुन् ।

 जिल्ला प्रहरी कार्यालय बाजुरका प्रहरी निरिक्षक लोकेन्द्र सिंह ठगुन्नाका अनुसार हिमाली गाउँपालिका–५ कवाडीका धर्म नेपालीकी ३० बर्षीया श्रीमती सत्ता नेपाली सहित उनकी ५ बर्षीया छोरी आरती, ४ बर्षिया छोरी सन्तोसी, एक बर्षीया छोरी किस्मती र २ बर्षे छोरा सम्मान वेपत्ता भएका हुन् ।

 शुक्रबार दिउँसो खोलामा नुहाउन गएका बेला छोराछोरी सहित आमा बगेर बेपत्ता भएका प्रहरी निरीक्षक ठगुन्नाले बताए ।