कैलालीका दुई ठाउँबाट डेढ लाख भन्दा बढी नगद सहित १७ जुवाडे पक्राउ

धनगढी

प्रहरीले कैलालीका दुई ठाउँबाट डेढ लाख भन्दा बढी नगद सहित १७ जना जुवाडे पक्राउ गरेको छ ।

   जिल्ला प्रहरी कार्यालय कैलालीका प्रबक्ता प्रहरी नायब उपरिक्षक प्रतिक लबिष्टका अनुसार ईलाका प्रहरी कार्यालय सुखडबाट खटिईएको प्रहरी टोलीले मंगलबार राती घोडाघोडी न.पा.१० आमखोयाबाट नगद .१ लाख ३५ हजार ५ सय,तास २ गड्डी र मण्डी १ थान सहित ११ जनालाई पक्राउ गरेको छ ।

   यसैगरी ईलाका प्रहरी कार्यालय लम्कीबाट खटिएको प्रहरी टोलीले मंगलबार राती नै लम्कीचुहा नगरपालिका वडा नं.२ मा एक गड्डी तास र नगद ३२ हजार ५ सय ५० सहित ६ जनालाई पक्राउ गरिएको प्रहरी प्रबक्ता बिष्टले जानकारी दिए ।