भारतबाट अवैध रुपमा ल्याइएका २५ हजार माछाका भुरा नष्ट

धनगढी

 भारतबाट अवैधरुपमा धनगढी ल्याइएका २५ हजार बराबर माछाका भुरा बरामद गरी नष्ट गरिएको छ ।

सशस्त्र प्रहरी बल नेपाल नम्बर ३४ गण हेडक्वाटर कैलालीबाट खटिएको प्रहरी टोलिले भारतबाट अवैध तरिकाले ल्याइएका माछा धनगढी–७ वेलीबाट बरामद गरेको थियो ।

 बरामद माछा सशस्त्र प्रहरी बल नेपाल नम्बर ३४ गण हेडक्वाटर कैलालीको प्राङ्गणमा नष्ट गरिएको सशस्त्र प्रहरी श्रोतले जनाएको छ । नष्ट गरिएका माछाको अनुमानित मुल्य १ लाख ५० हजार रहेको जनाइएको छ ।