सुदुरपश्चिम प्रदेशको  ३३ अर्ब ३८ करोडको बजेट

स्वास्थ्य क्षेत्रका लागि ३ अर्ब भन्दा बढी बजेट

 सुदूरपश्चिम प्रदेश सरकारले आगामी आर्थिक वर्षका लागि स्वास्थ्य क्षेत्रमा ३ अर्ब भन्दा बढी बजेट विनियोजन गरेको छ । मन्त्री बोहराले स्वास्थ्य क्षेत्रमा ३ अर्ब २६ करोड ६६ लाख बजेट विनियोजन गरेको जानकारी दिए । यस वर्ष कोरोना भाइरस संक्रमण रोकथाम तथा नियन्त्रणलाई प्राथमिकतामा राखेर स्वास्थ्य क्षेत्र सुधारका योजनामा बढी बजेट विनियोजन गरेको छ ।

स्वरोजगार कार्यक्रमा प्राथमिकता 

  स्वास्थ्य क्षेत्रको सुधार, कोरोनाका कारण रोजगारी गुमाएकाहरूलाई स्वरोजगारका कार्यक्रममा प्राथमिकताका साथ बजेट परेको छ । कोरोनाका कारण रोजगारी तथा आयश्रोत गुमाएका प्रदेशवासीलाई रोजगारी दिलाउने खालका कृषि कार्यक्रम, पूर्वाधार विकासका योजना र उद्योग विकासका कार्यक्रम अगाडी सारिएको छ ।

सडक पुर्वाधारमा पौने पाँच अर्ब

  सुदूरपश्चिम प्रदेश सरकारले सडक निमार्ण आयोजनाका लागि करिब पौने पाँच अर्ब बजेट विनियोजन गरेको छ ।  प्रदेश सभा बैठकमा बजेट प्रस्तुत गर्दै आर्थिक मामिला तथा योजना मन्त्री बोहराले आगामी आर्थिक वर्षमा ५ सय २८ किलोमिटर सडक निमार्ण गर्न ४ अर्ब ७२ करोड बजेट विनियोजन गरेको बताए ।

 सिचाई योजनामा १ अर्ब  

सिँचाइ योजनाका लागि १ अर्ब बढी बजेट विनियोजन

सुदूरपश्चिम प्रदेश सरकारले सिँचाइका योजनाका लागि १ अर्ब बढी बजेट विनियोजन गरको छ । आगामी आर्थिक वर्षमा ९ वटै जिल्लाका लागि १ अर्ब ४१ करोड सिँचाइ योजनामा खर्चिने सोमबार सार्बजनिक गरेको बजेटमा उल्लेख छ ।

धनगढी

  सुदुरपश्चिम सरकारले  आर्थिक बर्ष २०७६।२०७७ को ३३ अर्ब ३८ करोड १३ लाख ४८ हजारको बजेट सार्वजनिक गरेको छ ।

  सुदुरपश्चिम प्रदेश सभामा सोमाबार आर्थिक मामिला तथा योजना मन्त्री झपट बोहराले प्रस्तुुत गरेको बजेटमा चालु खर्च १४  अर्ब १८ करोड ७८ लाख ६० हजार अर्थात ४२।४ प्रतिशत  र पुँजीगत खर्च १६ र्अ ७५ करोड ८४ लाख अर्थात ५०।२ प्रतिशत बिनियोजन गरिएको  छ ।

  अन्तर सरकारी बित्तीय व्यवस्थापन तर्फ २ अर्ब १३ करोड रबित्तीय व्यवस्थापन तर्फ ३० करोड बिनियोजन गरिएको छ ।