धनगढीमा प्रहरी मृत फेला

धनगढी

  धनगढी उपमहानगरपालिका—१२ जुगेडा स्थित अस्थायी प्रहरी चौकीमा कार्यरत एक जना प्रहरीको शव फेला परेको छ भने एकजना बेपत्ता भएका छन् ।

 जुगेडा प्रहरी चोकीका इञ्चार्ज प्रहरी सहायक निरीक्षक गोविन्द बिक र जवान रामबहादुर साँउद शनिबार रातिदेखि बेपत्ता रहेका थिए ।

 उनीहरु मध्ये एकजनाको शव नेपाल भारत सीमा स्थित मोहना नदी नजिकै फेला परेको प्रहरीले जनाएको छ । शब घोप्टो अवस्थामा रहेको र पहिचान भईनसकेको जिल्ला प्रहरी कार्यालयका प्रहरी नायब उपरिक्षक प्रतिक बिष्टले बताए ।

  चौकीबाट मोटरसाइकलमा राति साढे आठ बजे गस्तीमा निस्किएका दुवैजना साढे १० बजेदेखि सम्पर्क बिहीन भएका थिए । आज बिहान उनीहरुको खोजी गर्दा चौकीबाट एक किमीको दूरीमा उनीहरु चढेको मोटरसाइकल फेला परेको र करिब तीन किमीको दूरीमा रहेको मोहना नदीमा शव फेला परेको हो।

प्रहरी नायव महाननिरीक्षक उत्तम सुवेदी सहितको प्रहरीको टोली घटनास्थल पुगेको छ ।