असईको घाँटी रेटी हत्या, बेपत्ता प्रहरीको खोजी जारी

धनगढी

  अस्थायी प्रहरी चौकीका इन्चार्ज प्रहरी सहायक निरिक्षक गोबिन्द विकको हत्या भएको देखिएको छ । धनगढी उप–महानगरपालिका वडा नम्बर १२ को अस्थायी प्रहरी विट जुगेडामा कार्यरत प्रहरी सहायक निरिक्षक बिकको हत्या भएको सुदूरपश्चिम प्रदेश प्रहरी कार्यालयका प्रमुख तथा प्रहरी नायव महाननिरिक्षक उत्तम सुवेदीले बताए ।

 डिआईजी सुवेदीले भने–‘असईको हत्या गरी मोहना नदीमा फालिएको प्रारम्भिक अनुसन्धानले देखाएको छ ।’ उनको घाँटीको तलबाट रेटिएको पाईएको सुवेदीले बताए ।

 चौकीका ईन्चार्ज विक र प्रहरी जवान रामबहादुर साउँद शनिबार रातिदेखि वेपत्ता थिए । साउँद भने अझै वेपत्ता रहेका छन् । वेपत्ता प्रहरीको खोजीका लागि गोताखोर टोली घटनास्थल पुगेको छ । सशस्त्र प्रहरीको अत्तरिया स्थित ७ नम्बर बाहिनीको गोताखोर टोली घटनास्थल पुगी बेपत्ता साउँदको खोजी गरिरहेको छ ।

 धनगढी उपमहानगरपालिका १२ जुगेडाको त्यस एरियामा भारतबाट बिभिन्न सामान अबैध रुपमा नेपाल ल्याउने गरिएको छ । त्यस क्षेत्रमा तस्करको ठुलो संजाल सकृय रहेकाले थस्करले नै हत्या गरेको हुनसक्ने प्रहरी अधिकारीहरु बताउँछन ।

   चौकीबाट मोटरसाइकलमा राति साढे आठ बजे गस्तीमा निस्किएका दुवैजना साढे १० बजेदेखि सम्पर्क बिहीन भएका थिए । उनले चढ्ने बा ५८ प ५२८४ नम्बरको मोटरसाइकल शव भेटिएको स्थानदेखि साढे २ किलोमिटर पश्चिमतर्फ भेटिएको छ भने बिकसँग रहेको हतियार फेला परेका छैन् ।