मोटरसाईकल चोरी गर्ने ३ जना पक्राउ

गोपाल भट्ट
धनगढी ।

   प्रहरीले मोटरसाइकल चोरी गर्ने तीन जनालाई पक्राउ गरेको छ । धनगढी उपमहानगरपालिका वडा नम्बर १६ बस्ने वीरेन्द्र चन्दको से ३ प २६ नम्बरको मोटरसाइकल चोरी भएको भन्ने सूचनाका आधारमा प्रहरीले खोजतलास गर्दा चोरीमा संलग्न तीन जनालाई पक्राउ गरेको हो ।

   पक्राउ पर्नेमा कैलालीको गौरीगंगा नगरपालिका वडा नम्बर ८ बडैपुरका २० बर्षका निर्मल दमाई, १८ बर्षका हरि कंडेल र बर्ष १९ का नरेश चौधरी रहेका छन् । चोरीमा संलग्न तीनै जनाको जिल्ला अदालत कैलालीमा म्याद थप गरि अनुसन्धान भईरहेको जिल्ला प्रहरी कार्यालय कैलालीले जनाएको छ ।