लम्किमा कुटपिटबाट घाइते युवकको मृत्यु, ३ जना पक्राउ

धनगढी

 कुटपिट बाट गम्भिर घाइते भएका कैलालीको लम्किचुहा नगरपालिकाका २२ बर्षे युवकको मृत्यु भएको छ ।

 प्रहरीका अनुसार लम्कीचुहा नगरपालिका वडा नम्बर ३ का २२ बर्षे भरत तिमल्सिनालाई बिहीबार राती जानकीनगर गाउँपालिकामा स्थानीय केही युवकले कुटपिट गरी गम्भिर घाइते बनाएका थिए ।

 घाइते तिमिल्सिना लाई उपचारका लागि नेपालगञ्ज लैजादै गर्दा मृत्यु भएको इलाका प्रहरी कार्यालय टिकापुरले जनाएको छ ।

 ईलाका प्रहरी कार्यालय टीकापुरका प्रमुख प्रहरी नायब उपरीक्षक मधुसुदन न्यौपानेका अनुसार युवकलाई कुटपिट गर्ने कार्यमा संलग्न भएको आसंकामा ३ जनालाई पक्राउ गरिएको छ ।

 पक्राउ पर्नेमा स्थानीय मानबहादुर चैधरी, केशव टमटा र समर चौधरी रहेका छन् । घटनाका बारेमा थप अनुसन्धान भइरहेको प्रहरी नायव उपरिक्षक नौपानेले बताए ।