बाजुरामा जीप दुर्घटना हुदा १ बालकको मृत्यु, २ जना घाइते

धनगढी

   बाजुरामा जीप दुर्घटना हुँदा १ बालकको मृत्यु भएको छ भने दुई जना घाईते भएका छन् ।

   बाजुराको बुढीगंगा नगरपालिका वडा नम्बर ४ को बेलकाट्यामा फालासैनीबाट आइरहेको  से १ ज ११८० नम्बर जीप दुर्घटना हुँदा सोही ठाउँका ४ वर्षीय बालक प्रिन्स मिजारको घटनास्थलमै मृत्यु भएको प्रहरीले जनाएको छ ।

 प्रहरीका अनुसार दुर्घटनामा २ जना घाइते भएका छन् । घाइते हुनेमा बुढीगंगा नगरपालिका वडा नम्बर ४ कै २५ वर्षीय कमलबहादुर नेपाली र २४ वर्षीय निरन्जन नेपाली रहेको जिल्ला प्रहरी कार्यालय बाजुराले जनाएको छ ।

  उनीहरुको स्थानीय मेडिकलमा उपचार भइरहेको छ । जीप र चालक प्रहरी चौकी बार्जुगाडले नियन्त्रणमा लिएको छ ।