सेतीको कोभिड अस्पतालमा कार्यरत स्टाफ नर्समा कोरोना संक्रमण पुष्टि

धनगढी

  सेती प्रादेशिक अस्पतालको कोरोना अस्पतालमा कार्यरत एक जना स्टाफ नर्समा कोरोना संक्रमण पुष्टि भएको छ । धनगढी उप–महानगरपालिका घर भएकी २८ बर्षीय स्टाफ नर्समा कोरोना पुष्टि भएको हो ।

  सुदूरपश्चिम प्रयोगशालामा सोमबार जाँच भएर पोजिटिभ देखिएका   ६८ जना मध्य एक जना त्यही कार्यरत स्टाफ नर्स रहेको पुष्टि भएको हो । यद्दपी सेती अस्पतालले ती स्टार्फ नर्समा कोरोना संक्रमण भएकोबारे आधिकारित रुपका कुनै जानकारी सार्वजनिक गरेको छैन । सेती अस्पतालका सूचना अधिकारी दिलिप कुमार श्रेष्ठले आफुलाई सो बारे जानकारी नभएको बताउँदै प्रादेशिक प्रयोगशालामा सम्पर्क राख्न आग्रह गरे ।

   सेती अस्पताल स्रोतका अनुसार संक्रमित स्टार्फ नर्स शुरुवात देखि नै कोरोना भाइरस संक्रमितहरुको उपचार भइरहेको आइसोलेसन उपचार कक्षमा कार्यरत थिइन् ।

  स्रोतका अनुसार अहिले ती नर्ससंग सम्पर्कमा आएका अन्य स्वास्थ्यकर्मीहरुको समेत परीक्षण गर्ने तयारी भइरहेको छ ।