बढी मुल्यमा मल बेच्ने घोडाघोडी नगरपालिकाको जरही सहकारीलाई कारवाही

धनगढी

किसानलाई महंगोमा मल बिक्री गर्ने घोडाघोडी नगरपालिका–८ स्थित जरही कृषि सहकारी संस्थालाई कारवाही गरिएको छ ।

घोडाघोडी नगरपालिका–८ का वडा अध्यक्ष भीम बोगटीका अनुसार सहकारीले किसानबाट लगेको लागत मुल्य भन्दा बाहेकको पैसा फिर्ता गराइएको छ ।  आगमी दिनदेखि मल कारोबार गर्न नपाउने गरी उक्त सहकारीलाई कालो सूचिमा राखेको बोगटीले बताए ।

 ‘नगरका अन्य सहकारीले पनि रासायनिक मलमा कालो बजारी गरेको भन्ने सूचना आएको छ’ उनले भने– ‘हामीले सबै सहकारीको अनुगमन गर्दैछौं, नियम बिपरित काम गरेको पाइए कारवाही गरिने छ ।’

जरहीले १२ शय पचास रुपैया पर्ने सुपर डिएपी मल  किसानहरुलाई २५ शय रुपैयामा बिक्री गरेको  थियो ।