कञ्चनपुरमा ग्यास सिलिण्डर लिक हुँदा आगलागी

धनगढी

 कञ्चनपुरको पुर्नवासमा ग्यास सिलिण्डर लिक हुँदा आगलागी भएको  छ । पुनर्वास नगरपालिका वडा नम्बर ४ को कार्गिल डाँडाका पूर्णबहादुर शाहीको जस्ता पाताले छाएको घरमा ग्यास सिलिण्डर लिक हुँदा आगलागी भएको प्रहरीले जनाएको छ ।

 जिल्ला प्रहरी कार्यालयका प्रवक्ता प्रहरी नायब उपरीक्षक अमरबहादुर थापाले ग्यास सिलिण्डर लिक भई भएको आगलागीबाट ५० हजार बराबरको क्षती भएको बताए ।

 उनले आगलागीबाट घरमा रहेका लत्ताकपडा, विद्युतीय मिटर, ग्यास चुलो, रेगुलेटर, भाडाकुडा लगायतका सामान जल्दा ५० हजार बराबरको क्षती भएको जानकारी दिए । आगो स्थानीयको सहयोगमा प्रहरीले नियन्त्रणमा लिएको थियो ।