देउसी भैलो खेल्न नपाइने

धनगढी

 कोरोना संक्रमण फैलन नदिन सुदूरपश्चिम प्रदेशका अधिकांस जिल्लामा तिहारमा खेलिने देउसी भैलोमा रोक लगाइएको छ ।

देउसी भैलोका नाममा मानिसहरु एक आसपमा भेला हुने र त्यसले समुदायमा कोरोना संक्रमण भयावह हुन सक्ने भनदै सम्बन्धित जिल्लाका जिल्ला प्रशासन कार्यालय हरुले तिहारमा खेलिने देउसी भैलो कार्यक्रम खेल्न प्रतिबन्ध गरेका हुन् । साथै यस बर्षको तिहारलाई आफु बसेकै स्थानबाट सुरक्षित रहेर मनाउन पनि प्रशासनले आग्रह गरेका छन् ।

जिल्ला प्रशासन कार्यालय कैलालीले विज्ञप्ति जारी गर्दै गौरा, छठ, दशैं लगायत पर्व झै तिहारलाई पनि सुरक्षा सतर्कताका साथ मनाउन आग्रह गरेको छ । यसै गरी कञ्चनपुर प्रशासनले पनि दशैंमा जारी गरिएको आदेशलाई निरन्तरता दिइने भएको छ । दिदीभाईको पर्वका रुपमा मनाइने तिहारमा देउसी–भैलो खेल्ने, साथी भाईबीच जमघट हुने, मेलाको आयोजना गर्नेलगायतका क्रियाकलापहरु नगर्न कञ्चनपुर प्रशासनले अनुरोध गरेको छ ।

 कञ्चनपुरका प्रमुख जिल्ला अधिकारी रामकुमार महतोले बितेका पर्वमा जस्तै तिहारमा पनि सो आदेशलाई निरन्तरता दिइने बताए ।  यसका साथै हाल सम्म सुदूरपश्चिमका ७ वटा जिल्लाले यस बर्ष देउसी भैलो नखेल्न र सुरक्षित तरिकाले तिहार लगायत  पहाडी क्षत्रमा हुने अन्य पर्व मनाउन आग्रह गरेका छन् । सुदूरपश्चिम प्रदेशका पहाडी जिल्ला हरुमा तिहार पछि मेला तथा सामुहिक पूजा हुनेगरेकोमा ती कार्य समेत नगर्न नगराउन प्रशासनले आग्रह गरेका छन् ।