कैलालीका ३७ सहित थप ४८ जनामा कोरोना पुष्टि

धनगढी

 कैलालीका ३७ सहित सेती प्रादेशिक अस्पतालमा गरिएको परिक्षणमा थप ४८ जनामा कोरोना संक्रमण पुष्टि भएको छ ।

 पछिल्लो २४ घण्टाको अवधिमा सेतीमा गरिएको ४ सय ४ जनाको स्वाव नमुना परिक्षणमा कैलालीका ३७, कञ्चनपुरका ९, सुर्खेतका १ र रुपन्देशीका १ गरी ४८ जनामा संक्रमण  पुष्टि भएको अस्पतालले जनाएको छ ।

 अस्पतालमा सूचना अधिकारी दिलिप कुमार श्रेष्ठका अनुसार बिहीबार संक्रमण पुष्टि हुनेमा कैलालीको धनगढी उप–महानगरपालिका वडा नम्बर–१ का २ जना, वडा नमबर २ का ३ जना, वडानम्बर ४ का ७ जना, वडा नम्बर ५ का ३ जना र वडा नम्बर ८, ११, १८ का १÷१ तथा पहिचान नखुलेका धनगढीका १० जना रहेका छन् ।

 यसै गरी कैलालीकै लम्किचुहा नगरपालिकाका ३, जोशीपुर गाउँपालिका, गोदावरी नगरपालिका, घोडाघोडी नगरपालिका र टिकापुर नगरपालिका १÷१ जनामा संक्रमण पुष्टि हुँदा पहिचान नखुलेका कैलालीका २ जनामा समेत संक्रमण पुष्टि भएको सूचना अधिकारी श्रेष्ठले बताए ।

 उनका अनुसार बिहीबार नै कञ्चनपुरको भिमदत्त नगरपालिकाका ७ तथा वेलडाँडी गाउँपालिका र वेदकोट नगरपालिकाका १÷१ जनामा कोरोना संक्रमण पुष्टि भएको छ ।

 सेतीको परिक्षणमा कर्णाली प्रदेशको सुर्खेतका १ तथा प्रदेश नम्बर २ को रुपन्देशीका १ जनामा समेत संक्रमण पुष्टि भएको सूचना अधिकारी श्रेष्ठले बताए ।