मोटरसाइकल दुर्घटना परी १ को मृत्यु

धनगढी

 कञ्चनपुरको पूर्व–पश्चिम राजमार्ग अन्तर्गत कृष्णपुर नगरपालिका –२ वाणीमा भएको मोटरसाइकल दुर्घटना हुँदा १ जनाको मृत्यु भएको छ ।

 मृत्यु हुनेमा शुक्लाफाँटा नगरपालिका–१ बन्साहका ४० बर्षे उत्तमसिंह धानुक रहेका प्रहरीले जनाएको छ ।

 धानुकको कोहलपुर मेडिकल कलेजमा उपचारको क्रममा सोमबार राति २ बजे मृत्यु भएको जिल्ला प्रहरी कार्यालय कञ्चनपुरका प्रबक्ता प्रहरी नायब उपरिक्षक अम्मरबहादुर  थापाले बताए ।

सोमबार कृष्णपुर नगरपालिका–२ वाणिमा म १ प ७८२३ र सुप प्र.०१–००८ प २८९ नम्बरको मोटरसाइकल एकआपसमा ठोक्किँदा ३ जना घाइते भएका थिए ।

 कैलाली प्रहरीमा कार्यरत प्रहरी सहायक निरीक्षक धिरबहादुर विष्ट, शुक्लाफाँटा नगरपालिका–१ बन्साहका ४० वर्षीय उत्तमसिंह धानुक र २१ वर्षीया सुनिता विष्ट घाइते भएका थिए ।

धिरबहादुर र सुनिताको उपचार भइरहेको प्रहरीले जनाएको छ ।