यस बर्ष मोहनामा सामुहिक छठ नमनाइने

धनगढी

 कोरोना संक्रमण तथा जोखिमलाई मध्यनजर गर्दै यस बर्ष तराई वासीले मोहना नदीमा सामुहिक छठ नमनाउने भएका छन् ।

 सामुहिक रुपमा छठ नमनाउने भएपछि तराई मधेसमा उल्लासका साथ मनाइने छठ पर्वका अवसरमार दुलही झै सजिइने धनगढीको मोहना घाट यस बर्ष सुनसा नबनेको छ ।

 छठ पर्व सुरु नहुँदै मोहना नदीलाई सिंगारिन सुरु गर्ने तराई वासीले यस बर्ष कोरोना संक्रमणका कारण सामुहिक छट नमनाउने निर्णय गरेका छन् । जसका कारण मोहना नदीको तटिय क्षत्रलाई सिंगार नगरिएको धनगढीका जयप्रकाश चौधरीले बताए ।

 जिल्ला प्रशासन कार्यालय कैलालीले पनि यस बर्ष अन्य पर्व झै छठ पर्वलाई सामुहिक रुपमा नमनाउन आग्रह गरेको छ ।

 ‘सामुहिक रुपमा पर्व मनाउँदा कोरोना संक्रमण बढ्ने जाखिम हुन्छ’ प्रमुख जिल्ला अधिकारी यज्ञराज बोहराले भने–‘त्यसैले यस बर्ष सुरक्षित रहेर पर्व मनाउँन आग्रह गरिएको छ ।’