सेतीको परिक्षणमा थप २२ जनामा कोरोना संक्रमण पुष्टि

धनगढी

 सेती प्रादेशिक अस्पतालको कोरोना परिक्षण प्रयोगशालामा गरिएको परिक्षणमा आइतबार थप २२ जनामा कोरोना संक्रमण पुष्टि भएको छ ।

सेती प्रादेशिक अस्पताल प्रयोगशालामा आइतबार २ सय २० जनाको स्वाव परिक्षणमा कैलालीका १९ सहित २२ जनामा संक्रमण पुष्टि भएको अस्पतालले जनाएको छ ।

 अस्पतालका सूचना अधिकारी दिलिपकुमार श्रेष्ठका अनुसार संक्रमण पुष्टि हुनेमा धनगढी उपमहानगरपालिकाका १० जनामा रहेका छन् ।

 उनका अनुसार उपमहानगरपालिकाको वडा नम्बर ५ का ४ जना, वडा नम्बर १ का २ जना, यस्तै वडा नम्बर २, ४, ७ र ठेगाना नखुलेका १÷१ जनामा संक्रमण पुष्टि भएकोहो । यसै गरी कैलालीकै टीकापुर नगरपालिका र जानकी गाउँपालिकाका ३÷३ जना, जोशीपुर गाउँपालिकाका २ जना र कैलारी गाउँपालिकाका १ जनामा संक्रमण देखिएको सूचना अधिकारी श्रेष्ठले बताए ।

 उनका अनुसार आइतबार नै कञ्चनपुरको महाकाली नगरपालिका र बेल्डाँडी गाउँपालिकाका १÷१ जना तथा बैतडीका १ जनामा समेत संक्रमण पुष्टि भएको छ ।