कैलालीमा ट्रक पल्टिदा ४ जना घाइते

 धनगढी

 मंसिर कैलालीमा ट्रक पल्टिदा चार जना घाईते भएका छन ।

 चुरे गाउँपालिका ६ डुम्रेनीमा आज ट्रक पल्टिँदा चालक सहित ४ जना घाइते भएका हुन । डडेल्धुराको जोगबुढाबाट अत्तरियातर्फ आइरहेको से७ख १२९ नम्बरको ट्रक अनियन्त्रित भई पलिटँदा ४ जना घाइते भएको सुदूरपश्चिम प्रदेश ट्राफिक प्रहरी कार्यालय अत्तरियाले जनाएको छ ।

 घाइते हुनेमा डडेल्धुराको परशुराम नगरपालिका ४ बस्ने ट्रक चालक २९ वर्षीय दानबहादुर कामी, सोही ठाउँका १८ वर्षीय दशरथ सिलाल, ३८ वर्षीय नरेन्द्र बोहरा र २० वर्षीय करन कामी रहेका छन् । घाइते करन कामीको सिसाले टाउको काटिएको छ । उनको अवस्था गम्भीर रहेको प्रहरीले जनाएको छ ।

 घाइते सबैलाई उपचारका लागि अत्तरियाको पद्मा अस्पताल पठाइएको प्रहरीले जनाएको छ । ट्रक घटनास्थलमै हुँदा सडक अवरुद्ध रहेको प्रहरीले जनाएको छ ।