घरेलु हिंसा न्यूनीकरणका लागि अन्तक्रिया कार्यक्रम

सुखड

  कैलालीको घोडाघोडी नगरपालिकामा घरेलु हिंसा न्यूनीकरणका लागि अन्तक्रिया कार्यक्रम सम्पन्न भएको छ ।

   युवा शान्ति परिषद नेपाल र इलाका प्रहरी कार्यलय सुखडको आयोजना तथा संयुक्त राष्ट्र संघीय बिकास कार्यक्रम (यु एन डि पि) को सहयोगमा स्थानीय सरकार ,नागरिक संघ सस्था र प्रहरीबिच अन्तर्कृया कार्यक्रम सुखडमा सम्पन्न गएिको हो ।

   कार्यक्रममा सहभागिहरुले घरेलु हिंसा न्युनिकरणका लागि सबै लाग्नुपर्ने बताए । उनिहरुले अझै पनि घर परिवारको डरले हिंसा हुदा पनि खुलेर आउन नसकेको   बताए । कार्यक्रममा बोल्दै घोडाघोडी नगरपालिकाका प्रमुख ममता प्रसाद चौधरीले हिंसा न्युनिकरणका लागि सबै भन्दा पहिले शिक्षामा जोड दिनु पर्ने बताए । उनले धेरै जसो घरेलु हिंसा महिला माथि नै हुने गरेको बताए । उनले भने–‘महिलाहरु यो वा त्यो नाममा पीडित भैरहेका छ्न उनले भने छिटै नै सेफ हाउस बनाउनेछौ, सबै मिलेर लागे हिंसा न्यूनीकरण गर्न सहज हुन्छ ।’

  कार्यक्रममा बोल्दै नगर उपप्रमुख प्रेम कुमारी थापाले प्रहरी र न्यायिक समिति बिच समन्बय हुन जरुरी रहेको बताइन । घरेलु हिंसा न्युनिकरणका लागि सबै मिलेर अगाडि बढ्नु पर्ने उनको भनाइ थियो । कार्यक्रममा इलाका प्रहरी कार्यलय सुखडका प्रमुख सागर बोहोराले घरेलु हिंसा हुनुका कारण हिंसा गर्दा पाउने सजाय,कानुनका बारे जानकारी गराएका  थिए ।