लालपुरमा सवारी दुर्घटना, एकको मृत्यु

    गोदावरी नगरपालिका स्थित लालपुरमा सवारी दुर्घटना हुँदा एक जनाको घटना स्थलमै मृत्य भएको छ । 
    अत्तरिया तर्फ आइरहेको बा २० च ५१२८ नम्बरको कार र विपरित दिशाबाट आइरहेका से ४ प ७३९८ नम्बरको मोटरसाईकल एक आपसमा ठोकिदा मोटरसाईकल चालकको मृत्यूभएको ट्राफिक प्रहरी कार्यालय अत्तरियाले जनाएको छ ।
    मृत्यु हुनेमा जोशीपुर गाउँपालिका २ कैलालीका गम्भीर कोटकेनी रहेका घटना स्थलमा खटिएका ट्राफिक प्रहरी हवल्दार रामकुमार रेग्मीले बताए । मृतक वडा नम्बर ६ लालपुरमै रहेको केदारेश्वर बोर्डिङ स्कुलका प्रिन्सिपल रहेको स्थानीयले बताएका छन् । उनी सोही विद्यालयका सञ्चालक समेत रहेका थिए । विद्यालयबाट निस्किएर घर जाने वेला विद्यालयभन्दा दुई सय मिटर टाढा सडक दुर्घटना भएको हो । हाल उनी लालपुरमा वस्दै आएका थिए ।