आफुले रेफर गरेकी बिरामीमा कोरोना भेटिएपछि लम्की अस्पताल अनिश्चितकालका लागि बन्द

धनगढी

 कैलालीको लम्कीचुहा नगरपालिकामा रहेको लम्की अस्पताल अनिश्चिकालिन बन्द गरिएको छ । आफ्नोमा उपचार गरि रेफर बिरामीमा मृत्युपछि कोरोना पुष्टि भएसंगै लम्की अस्पतालले अनिश्चितकालका लागि सम्पूर्ण सेवा बन्द गरेको  छ ।

 अस्पतालले आज एक सूचना जारी गर्दै अर्को सूचना जारी नभएसम्मका लागि सम्पूर्ण सेवा बन्द गरेको जनाएको छ । सुचनामा लम्की अस्पतालमा उपचार गरि कोहलपुर रेफर गरिएकी बिरामीको मृत्यु भएको र उनको मृत्यु पछि कोरोना पुष्टि भएकाले अस्पतालमा कार्यरत स्वास्थ्यकर्मीमा पनि जोखिम बढेको उल्लेख गरिएको छ ।

  ति महिलाको सम्पर्कमा रहेका अस्पतालका सम्पुर्ण स्वास्थ्यकर्मी एबं कर्मचारीको परिक्षण नगर्दा कोरोना संक्रमणको जोखिम बढने भएकाले परिक्षण गराई रिपोट नआउन्जेल सम्म अस्पतालका सम्पुर्ण सेवा बन्द रहने सुचनामा उल्लेख छ ।

  नेपालगंज मेडिकल कलेजमा उपचाररत कैलालीको लम्की चुहा नगरपालिका वडा नम्वर २ की ४३ बर्षीया महिलामा मृत्युपछि कोरोना पुष्टि भएको थियो । ति महिलालाई लम्की अस्पतालले रेफर गरेको  थियो ।

  टाउकोमा चोट लागेकी उनलाई ३१ गते नेपालगंज मेडिकल कलेज कोहलपुर लगिएकोमा मंगलवार मृत्यु भएको थियो । मृत्युपछि कोरोना परीक्षण गर्दा संक्रमण पुष्टि भएको भएको थियो ।