सुदूरपश्चिमका उच्च क्षेत्रमा हिमपातको सम्भावना

धनगढी

 पश्चिमी वायुको प्रभावका कारण बदलिएको मौसम संगै सुदूरपश्चिममा मंगलबार सम्म चिसो बढ्ने तथा उच्च पहाडी तथा हिमाली क्षेत्रमा हिमपातको संभावना बढेको छ ।

 जल तथा मौसम पूर्वानुमान महाँशाखा काठमाण्डौका अनुसार कैलाली कञ्चनपुरमा आगामी २ दीन सम्म बदली रही चिसो बढ्ने अनुमान गरिएको छ । तर उच्च पहाडी तथा हिमाली क्षेत्रमा भने आगामी २ दिन सम्म नै हिमपातको संभावना रहेको जल तथा मौसम पूर्वानुमा महाँशाखाका मौसमविद शमिर श्रेष्ठले  बताए ।

 ‘कैलाली कञ्चनपुरमा आगामी दुई दिन सम्म बदली भएपनि बर्षाको संभावना न्यून रहेको छ’ मौसमविद श्रेष्ठले भने–‘तर उच्च पहाडी तथा हिमाली क्षेत्रमा भने तीन दिन नै हिमपात हुने अनुमान गरिएको छ ।’ बुधबार देखी मौसममा क्रमिक सुधार हुने र बिहीबार देखी पूर्णरुपमा मौसम सफा हुने उनले बताए ।

 भारतको राजधानी दिल्ली लगायतका क्षेत्रमा शनिबार देखि वर्षा सुरु भएकोमा त्यसको असर पश्चिम नेपालमा पनि परेको उनले बताए । पश्चिमी वायु सक्रिय भएकाले सुदूरपश्चिम र कर्णाली प्रदेशका पहाडी क्षेत्रमा आइतबार देखीनै बर्षा संगै हिमपात सुरु भएको उनले बताए ।

 ‘यो पटक पश्चिमी वायु सक्रिय भएको देखिन्छ, यसको प्रभाव पनि बेसी नै हुन्छ, श्रेष्ठले भने–‘मंगलबारसम्म मध्य नेपाल हुँदै काठमाडौं उपत्यका सम्म प्रभाव पर्न सक्छ ।’