गोतामे पत्रकारिता पुरस्कार कान्तिपुरका सुदुरपश्चिमका ब्युरो प्रमुख थापालाई प्रदान गरिने

धनगढी

    स्वर्गीग गोपालचन्द्र गौतम पत्रकारिता पुरस्कार कान्तिपुरका सुदुरपश्चिम ब्युरो प्रमुख चित्राङ्ग थापालाई प्रदान गरिने भएको छ । मोफसलमा रहेर पत्रकारितामा  निर्वाह गरेको भुमिकाका लागि पत्रकार थापालाई उक्त पुरस्कार प्रदान गर्न लागिएको हो ।

     गोपालचन्द्र गौतम प्रतिष्ठान बीरगन्जको बैठकले २०७७ सालको यो पुरस्कार पत्रकार थापालाई दिने निर्णय गरेको  हो ।

    एक तोला सुनको तक्मा पुरस्कार रहेको स्व गौतमको वार्षिक पुण्यतिथिको अवसरमा फागुन २ गते आइतवारका दिन कार्यक्रमको आयोजना गरी वितरण गरिने प्रतिष्ठानका सचिव केसी लामिछानेले बताए ।

    कान्तिपुर दैनिकको सहयक वरिष्ठ उपसम्पादक रहेका थापाले २०४८ सालमा कन्चनपुरको महेन्द्रनगरमा महाकाली दैनिकको अतिथि सम्पादकको रुपमा पत्रकारिता शुरु गरेका हुन् ।  २०५१ सालदेखि कान्तिपुर दैनिकमा आवद्ध रहेका थापा नेपाल पत्रकार महासँघको केन्द्रिय उपााध्यक्ष समेत भैसकेका छन् ।

    स्व गौतमको सम्झनामा प्रतिष्ठानले २०६८ सालदेखि यो पुरस्कार निरन्तर वितरण गर्दै आएको छ । १० हजारबाट शुरू भएको पुरस्कार २०७२ सालदेखि आधा तोला सुनको तक्मामा परिणत भएको थियो । २०७५ सालदेखि एक तोला सुनको तक्मामा परिणत भएको छ ।

मुल्याङकन हुदोरहेछ  : थापा

इमानदारितापुर्वक काम गर्दा मुल्याङकन हुदोरहेछ  भन्ने पुरस्कारको निर्णयले देखाएको पत्रकार चित्राङग थापाले बताएका छन् । ‘नेपालको पश्चिमी सीमामा बसेर लामो समयसम्म पत्रकारितामा लागिरहे ।’ पत्रकार थापाले भने – ‘पुरस्कार पाउन त्यसै ठाउको हुनु पर्दो रहेनछ । नेपालको जुनसुकै ठाउँमा बसेर काम गर्दा पनि मुल्याङकन हुदो रहेछ ।’

 यस निर्णयले यस क्षेत्रमा रहेका सबै पत्रकारका लागि काम गर्दा मुल्याङकन हुदो रहेछ  भन्ने सन्देश पनि दिएको थापाले बताए ।

पुरस्कार पाउनुमा आफु एक्लैको मात्र नभएर सहयोग गर्ने मित्रहरु, सहकर्मीहरु र  कान्तिपुर पब्लिेकशनको सहयोगको भुमिका रहेको पत्रकार थापाले बताए ।