अनुसन्धानका लागि एसएसपीको नेतृत्वमा छुट्टै टोली परिचालन

धनगढी

   बिहिवार वेलुका बैतडीमा युवती मृत भेटिएको घटनाको अनुसन्धानका लागि एसएसपीको नेतृत्वमा छुट्टै प्रहरी टोली परिचालन गरिएको छ ।

 सुदूरपश्चिम प्रदेश प्रहरी कार्यालयमा कार्यरत प्रहरी वरिष्ठ उपरीक्षक जनकराज पाण्डेको नेतृत्वमा घटनाको अनुसन्धानका लागि छुट्टै प्रहरी टोली परिचालन गरिएको सुदूरपश्चिम प्रदेश प्रहरीका प्रवक्ता प्रहरी वरिष्ठ उपरीक्षक मुकेशकुमार सिंहले जानकारी दिए ।

 उनका अनुसार टोलीमा नेपाल प्रहरीको केन्द्रीय अनुसन्धान ब्युरो सिआईबीका प्रहरी नायब उपरीक्षक डिएसपी लाई खटाइएको   छ ।  जिल्लाले गरिरहेको अनुसन्धानमा प्राविधिक सहयोग गर्न छुट्टै टोली खटाइएको प्रहरीले जनाएको छ ।

 बुधबारदेखि सम्पर्कविहीन भएकी दोगडाकेदार गाउँपालिका–७ की १७ वर्षीया भागरथी भट्ट बिहीबार बेलुका मृत अवस्थामा फेला परेकी थिइन् । मृतक युवतीका आफन्तले घटनाको अनुसन्धान गर्ने सहमतिमा शब उठाएको बैतडीका प्रमुख जिल्ला अधिकार मोहनराज जोशीले जानकारी दिए ।

 उनको बलात्कारपछि हत्या गरेको आशंकामा प्रहरीले अनुसन्धान गरिरहेको छ । अनुसन्धानका लागि धनगढीबाट तालिम प्राप्त कुकुर समेत लगिएको  छ ।