अर्जुन दृष्टि’ लगाएर छानविन गर्दा सफलता प्राप्त भयो : डिआइजी

धनगढी

 भागरथी भट्ट हत्या प्रकरणमा संलग्न भएको आसंकामा पक्राउ परेका अभियुक्त दिनेश भट्टलाई प्रहरीले सार्वजनिक गरेको छ ।

 बुधबार जिल्ला प्रहरी कार्यालय बैतडीमा पत्रकार सम्मलेन गर्दै प्रहरीले १७ बर्षे अभियुक्त भट्टलाई सार्वजनिक गरेको हो । अभियुक्त सार्वजनकि गर्दै सुदूरपश्चिम प्रदेशका प्रहरी प्रमुख डिआइजी उत्तमराज सुवेदीले घटनाको सुक्ष्म अनुसन्धान र प्रहरीको उच्च मेहनतका कारण सफलता प्राप्त भएको बताए ।

 ‘भागरथी प्रकरणमा हामीले अर्जुन दृष्टि लगाएर अनुसन्धान ग¥यौं’ डिआजी सुवेदीले भने–‘अभियुक्त सुरुमा हो भन्ने जानरकारी हुँदा हुँदै प्रयाप्त प्रमाण जुटायौं, जसले हामीलाई प्रशन गर्ने ठाउँ कतै छैन ।’ कञ्चनपुरकी १३ बर्षिया बालिका निर्मला पन्त प्रकरणमा भएको समस्यालाई समेत केलाएर आफुहरुले बलियो प्रमाण सहित अभियुक्तलाई पक्राउ गरेको डिआइजी सुवे्दीले बताए ।

 उनले तत्कालका लागि एक जनालाई मात्रै पक्राउ गरिएको बताउँदै अनुसन्धान गर्द जाँदा थप व्यक्ति पनि हुन सक्ने बताए ।

 प्रहरीले भागरथीको हत्या तथा बलात्कारमा संलग्न भएको आरोपमा मृतककै दाई नाता पर्ने दिनेश भट्टलाई पक्राउ गरेको छ । १७ बर्षे दिनेशले पारिवारिक रिसिवि मेटाउन बालिकालाई एक्लै भएको मौका पारी सडकबाट धकेलेर लडाउँदै घाटी च्यापेर हत्या गरेको स्वीकारेका डिआइजी सुवेदीले बताए  ।

  सुवेदीका अनुसार ती किशोरले भागरथीलाई मारे पश्चात करणी समेत गरेको स्वीकारेका छन् । ‘सुरुमा सडकबाट तल खसालेर घाँटी च्यापि मारेको भन्ने अभियुक्तले बयान दिएका छन्’ पत्रकार सम्मेलन मार्फत डिआइजी सुवेदीले भने–‘बालिकाको मृत्यु पश्चात करणी समेत गरेको सोधपुछमा दिनेशले स्वीकारेका छन् ।’

 हत्यामा संलग्न भएको आसंकामा पक्राउ परेका दोगडा केदार गाउँपालिका–७ का १७ बर्षे भट्ट विरुद्ध भागरथीका दइ शिवराज भट्टले प्रहरीमा किटानी जाहेरी दर्ता गराएको जिल्ला प्रहरी कार्यालय बैतडीले जनाएको छ ।