पत्रकार जेपी जोशीका परिवारलाई अष्ट्रेलियामा रहेका नेपालीले एक लाख सहयोग गरे

धनगढी

  कैलालीको गोदावरी नगरपालिका ३ मालाखेति बस्दै आएका स्वर्गिय पत्रकार जेपी जोशीका परिवारलाई आर्थिक सहयोग गरिएको छ ।

 बाजुराका पत्रकार प्रकाश सिंहले जेपी जोशीका नाममा स्थापना भएको जेपी जोशी स्मृति पत्रकारीता पुरस्कार सोही परिवारलाइ दिएको र उनको परिवार बिच्चलीमा रहेको समाचार सञ्चार माध्यममा प्रकाशित पछि उनलाई सहयोग जुटेको हो ।

       समाचार प्रकाशित पछि अष्ट्रेलिया बस्दै आएका बिक्रम सुवेदीले १ लाख सहयोग गरेका छन् । नवलपरासिको गैडाकोट नगरपालिका १० घर भएका सुुबेदीले जेपी जोशीको परिवार बिच्चलीमा  र छोरीको बिद्यालय शुल्क तिर्न नसकेको समाचार प्रकाशित पछि सहयोग गरेको वताएका छन् । डेढ बर्ष देखी छोरीको बिद्यालयको शुल्क तिर्न नसकेर समस्या परेको जानकारी पछि सहयोग गरेको सुबेदीले वताएका छन् ।

       सुबेदी १३ बर्ष देखी अष्ट्रेलिया बस्दै आएका छन् । उनी अष्ट्रेलियाको अध्यागमनमा कानुनबिज्ञका रुपमा कार्यरत रहेका छन् । सुबेदीले तिर्न नसकेको शुल्क तिर्न सहयोग गरेको र जोशीका दुबै छोरीलाई कक्षा १२ सम्म पढनका लागि समेत आगामि दिनमा थप सहयोग गर्ने वताएका छन् ।

 सहयोग रकम पत्रकार प्रकास सिंहलाइ पठाएका थिए । उक्त रकम सुदूरपश्चिम पत्रकार महासंघ प्रदेश अध्यक्ष अर्जुन शाह र पत्रकार महासंघ पुर्व केन्द्रिय सदस्य कर्ण शाह मार्फत घरमै पुगेर हस्तान्तरण गरेका  छन् । पत्रकार सिंहले जेपी जोशी स्मृति पत्रकारीता पुरस्कारबाट पाएको १२ हजार जोशीको परिवारलाई यो भन्दा पहिले नै सहयोग गरेका थिए ।

       सहयोग प्राप्त पछि जेपि जोशीकी श्रीमति बसन्ति जोशीले सहयोग रकम छोरीको बिद्यालयको शुल्क तिर्ने वताएकी छन् । उनले सहयोग गर्नेलाई धन्यवाद दिएकी छन् । २०६५ सालमा हत्या भएका पत्रकार जेपी जोशीका परिवार बिच्चलीमा परेका छन् । कैलालीको गोदावरी नगरपालि ३ मालाखेति बस्दै आएका जेपी जोशीका ३ जना परिवार आर्थिक संकटमा परेको समचार प्रकाशित भएको थियो ।

पत्रकार जोशीका श्रीमति बसन्ति जोशी, १७ बर्षिय छोरी पुजा जोशी र १३ बर्षिय गिता जोशी रहेका छन् । पुजा कक्षा १० मा र गिता कक्षा ६ मा अत्तरीयामा रहेको एभरेष्ट बोडिङ्ग स्कुलमा अध्यन गर्ने गरेका छन् । पुजा र गिताको बिद्यालयको डेढ बर्ष देखिको ९५ हजार शुुल्क तिर्न नसक्दा बाँकि रहेको थियो  । जेपी जोशी २०६५ असोज २२ गते घरबाट काठमाडौ जाने भएर गएका थिए । २२ गते देखी सम्पर्कमा नआएका जोशीको सोही बर्ष मंसिर १३ गते मालाखेती जंगलमा लाश भेटिएको थियो ।