अवैध काठसहित २ जना पक्राउ

धनगढी

 कैलालीको घोडाघोडी नगरपालिकाबाट अवैधकाठ सहित २ जना पक्राउ परेका छन् ।

 डिभिजन वन कार्यालय पहलमानपुरका अनुसार कैलालीको घोडाघोडी नगरपालिकाबाट अवैध सालका कडीसहित २ जनालाई नियन्त्रणमा लगिएको हो ।

 सोमबार बिहान ६ बजे वडा नम्बर ४ को मेलघट्टी सामुदायिक वनको सिमानामा पर्ने सिमली खोलाबाट एउटा ट्याक्टरसहित, सालका कडी र २ जनालाई नियन्त्रणमा लिएको सव डिभिजन वन कार्यालयका प्रमुख समीर थापाले बताए ।

 विशेष सूचनाको आधारमा सव डिभिजन वन कार्यालय र इलाका प्रहरी कार्यालय सुख्खडको टोलीले घोडीघोडी नगरपालिका–४ का जनक साउद र रामप्रसाद न्यौपानेलाई नियन्त्रणमा लिएको जिल्ला प्रहरी कार्यालय कैलालीले जनाएको छ ।

 नियन्त्रणमा लगिएका दुवैजनालाई सव डिभिजन वन कार्यालय सुखडमा पठाइएको उनले बताए ।