डडेलधुरमा संक्रमितको संख्या १ सय २८ पुग्यो

धनगढी

   डडेलधुरमा आज थप ६ जनामा कोरोना संक्रमण पुष्टी भएको छ । राष्ट्रिय जनस्वास्थ्य प्रयोगशाला टेकुमा गरिएको परीक्षणमा आज मात्रै डडेलधराका  ६ पुरुषमा कोरोना संक्रमण पुष्टि भएको स्वास्थ्य कार्यालय डडेलधुराका कोरोना फोकल पर्सन हरी भट्टले बताए ।

      नयाँ थपिएका संक्रमित मध्य परशुराम नगरपालिकाका पाँच जना र गन्यापधुरा गाउँपालिकाका एक जना रहेका उनले बताए । नयाँ संक्रमति थपिए संगै डडेलधुरामा संक्रमितको संख्या कुल संख्या १ सय २८ पुगेको छ ।

     उनका अनुसार डडेलधुराका विभिन्न क्वारेण्टाईनबाट संकलन गरिएको ८ सय १५ स्वावको नतिजा भने हाल सम्म आउन सकेको छैन । हाल सम्म जिल्लाबाट एक हजार ६ सय ७ वटा स्वाव संकलन गरिएकोमा ७ सय ८६ जनाको नतिजा मात्रै आएको छ ।