कैलालीमा बसको ठक्करबाट मोटरसाईकल चालकको मृत्यु

धनगढी

  कैलालीमा बसको ठक्करबाट एक जनाको मृत्यु भएको छ । पूर्व–पश्चिम राजमार्ग अन्तरगत गौरीगंगा नगरपालिकाको राजिपुरमा बिहिवार दिउसो बसले ठक्कर दिदा लम्कीचुहा नगरपालिका वडा न ४ बस्ने अन्दाजी २८ बर्षिया ललित रावतको मृत्यु भएको हो ।

 पश्चिमबाट पूर्वतर्फ आईरहेको  ना ४ ख ३७२९ नम्बरको बसले सोही दिशामा गुडिरहेको  म ८ प ३९८० नम्बरको मोटरसाइकललाई ठक्कर दिएको थियो । बसको ठक्करबाट गम्भीर घाईते भएका मोटरसाइकल चालक रावतलाई उपचारका लागि माया मेट्रो अस्पताल धनगढी लागिएकोमा उनको उपचारका क्रममा मृत्यु भएको प्रदेश ट्राफिक कार्यालय अत्तरियाले जानकारी दिएको छ ।

  ठक्कर दिने बस चालकलाई प्रहरीले नियन्त्रणमा लिएको छ । बसको ठक्करबाट मृत्यु पछि मृतकका आफन्तले टायर वालेर राजमार्ग अबरुद्ध पारेका  छन ।