कञ्चनपुरमा बहिनीलाई बलात्कार गरेको आरोपमा दाई पक्राउ

धनगढी

      कञ्चनपुरमा बहिनीलाई बलात्कार गरेको आरोपमा दाइ पक्राउ परेका छन् । भीमदत्त नगरपालिका वडा नम्बर १० की ९ बर्षिया बालिकालाई बलात्कार गरेको आरोपमा २२ बर्षिय बिरेन्द्र दयाल पक्राउ परेको प्रहरीले जनाएको छ ।

 पक्राउ परेका दयाल बैतडी मेलौली स्थायी घर भएका र हाल कञ्चनपुरमा फुपुको घरमा बस्दै आएको  जिल्ला प्रहरी कार्यालय कंचनपुरले     जनाएको  छ ।

   उनले आफ्नै फुपुकी छोरीमाथि बलात्कार गरेको आरोप लागेको  छ । जिल्ला प्रहरी कार्यालय कञ्चनपुरका प्रहरी नायब उपरिक्षक अमरबहादुर थापाले बालिकाका परिवारका सदस्यले दयालका बिरुद्ध जाहेरी दिएको जानकारी    दिए ।  उनले पीडित बालिकालाई स्वास्थ्य परीक्षणका लागि महाकाली अस्पतालमा लगिएको बताए ।