प्रेस लेखेको ज्याकेट लगाएका एक जना लागु औषध सहित पक्राउ

कञ्चनपुर । सशस्त्र प्रहरीले लागु औषध सहित कञ्चनपुरको बेलडाँडीबाट प्रेस लेखेकको  ज्याकेट लगाएका एक जनालाई पक्राउ गरेको छ । खटिएको संयुक्त पैदल सीमा गस्ती टोलीले पक्राउ गरेको हो ।

शनिबार दिउँसो भारतीय नागरिकबाट केही लिएको शङ्का लागि चेकजाँच गर्ने क्रममा बेलडाँडी गाउँपालिका वडा नम्बर ०३ वैवाहमा लागु औषध सहित सशस्त्र प्रहरीको बोर्डर आउट पोष्ट भुडा र झिलमिलाको संयुक्त टोलीले प्रेस लेखिएको ज्याकेट लगाएका व्यक्तिबाट पक्राउ गरेको हो । 

पक्राउ  पर्नेमा कञ्चनपुरकै शुक्लाफाँटा नगरपालिका वडा नम्बर ०४ बस्ने २५ वर्षीय नरेश प्रसाद जोशी रहेको सशस्त्र प्रहरीले जनाएको छ । उनीसँग अन्दाजी ७ ग्राम खैरो हिरोईन नामक लागु औषध,  २ थान मोबाइल, १ थान क्यामेरा, ५ थान बैँक चेक, १ थान एटीएम कार्ड, १ थान सुदूर खबरको परिचय पत्र, १ थान प्रेस पास र मोटरसाइकलको ब्लु बुक समेत बरामद गरिएको छ ।

बरामद गरिएका सरसामान र पक्राउ परेका जोशीलाई आवश्यक कानुनी कारबाहीको लागि ईलाका प्रहरी कार्यालय बेलडाँडीमा बुझाइएको छ ।