शनिवार सुदूरपश्चिममा ९४ जना कोरोना संक्रमित थपिए

धनगढी

   सुदूरपश्चिममा शनिवार थप ९४ जनामा कोरोना पुष्टि भएको छ । स्वास्थ्य मन्त्रालयले नियमित पत्रकार सम्मेलनमा दिएको जानकारी अनुसार राष्ट्रिय जनस्वास्थ्य प्रयोगशालामा ९२ र शिक्षण अस्पताल महाराजगञ्जमा रहेको प्रयोगशालमा दुई जनामा गरि ९४ जनामा कोरोना पुष्टि भएको हो ।

     पत्रकार सम्मेलनमा दिएको जानकारी अनुसार राष्ट्रिय जनस्वास्थ्य प्रयोगशाला काठमाडौँमा भएको परीक्षणमा डोटीका नौँ महिला र ५२ पुरुष गरी ६१ जना, बैतडीका १८ पुरुष, डडेल्धुराका ५ महिला र सात पुरुष गरी १२ जना र कैलालीका एक पुरुषमा  कोरोना पुष्टि भएको छ ।

    यस्तै शनिवार नै शिक्षण अस्पतालको प्रयोगशालामा गरीएको परीक्षणमा कैलालीका दुई पुरुषमा पनि संक्रमण पुष्टि भएको पत्रकार सम्मेलनमा जानकारी दिईएको छ ।