कन्चनपुरमा लागु औषध ससहित एक युवक पक्राउ

धनगढी । कञ्चनपुरको भिमदत्त नगरपालिका वडा नम्बर १० जिमुवामा लागु औषध सहित एक जनालाई सशस्त्र प्रहरीले पक्राउ गरेको छ । म २ प ५३४५ नम्बरको मोटरसाइकलमा सवार युवकलाई शंङ्का लागि चेकजाँच गर्ने क्रममा लागु औषध भेटिएको सशस्त्र प्रहरीले जनाएको छ ।

पक्राउ  पर्नेमा कन्चनपुर जिल्लाको भिमदत्त नगरपालिका वडा नम्बर ५ बनखेतका २८ वर्षीय योगेन्द्र ऐरी रहेको सशस्त्र प्रहरीले जनाएको छ । सशस्त्र प्रहरीका अनुसार उनको साथ  रसकोफ १ बोतल, सिम्प्लेक्स सी २४ ट्याब्लेट ब्राउन सुगर ०।१२ ग्राम बरामद गरिएको सशस्त्र प्रहरीबल नेपाल नम्बर ३५ हेडक्वाटरले जनाएको छ ।

सशस्त्र प्रहरी बल नेपाल नम्बर ३५ हेडक्वाटर कञ्चनपुर मातहत बोर्डर आउट पोष्ट जिमुवाबाट सहायक प्रहरी निरीक्षक हेमन्त सिंहको कमाण्ड र प्रहरी चौकी जिमुवाबाट प्रहरी सहायक निरीक्षक रमेश परियारको कमाण्डमा खटीएको संयुक्त पैदल सीमा गस्ती टोलीले पक्राउ गरेको हो ।

बरामद गरिएको सो लागुऔषध, मोटरसाइकल सहित उनलाई आवश्यक कानुनी कारवाहीका लागि जिल्ला प्रहरी कार्यालय कञ्चनपुरमा बुझाएको छ ।