बसपार्कमा शव भेटिएका युवकलाइ कुटपिट गरि हत्या गरेको आरोपमा ४ जना पक्राउ

धनगढी । धनगढी बसपार्कमा मृत हवस्थामा भेटिएका एक युवकको हत्या गरेको आरोपमा प्रहरीले चार जनालाई पक्राउन गरेको छ ।

पक्राउ परेका चारै जनालाई कर्तव्य ज्यान शिर्षकमा मुद्दा दर्ता गरी कैलाली जिल्ल अदालतबाट म्याद थप भई अनुसन्धान अघि बढाएको जिल्ला प्रहरी कार्यालयले जनाएको छ ।

पक्राउ पर्नेमा कैलाली धनगढी उपमहानगरपालिका वडा नम्बर १ त्रिबेणी चोकका  १८ बर्षीय दिपेन्द्र भन्ने दिपान्सु पौडेल,   डडेल्धुरा अमरगढी नगरपालिकामा घर भई हाल जिल्ला कञ्चनपुर भिमदत्त नगरपालिका वडा नम्बर ३ बस्ने १९ बर्षीय प्रबिण ऐर, जिल्ला डोटी पुर्वी चौकी गाउँपालिका वडा नंम्बर ४ का  २० बर्षीय अनिल कुवँर  र कैलालीको घोडाघोडी नगरपालिका वडा नम्बर १ का १८ बर्षीय युवराज शाही  रहेका छन् ।

बसपार्कको  प्रतिक्षालयमा सुतिरहेका ती युवकको खल्तीमा रहेको पैसा लग्नुका साथै कुटपिट गरेर हत्या गरेको आएको जिल्ला प्रहरी कार्यालयका प्रवक्ता प्रहरी नायब उपरिक्षक प्रतिक बिष्टले जानकारी दिए ।

 बिहीवार बसपार्कको प्रतिक्षालयमा सुतिरेहका अन्दाजी  २७ बर्षीय युवकको रक्ताम्य अवस्थामा शव भेटिएको थियो । शव भेटिएका ती युवकको  अझै पहिचान खुल्न सकेको छैन ।