ब्राउन सुगर सहित भजनीबाट २ जना पक्राउ

धनगढी । कैलालीका भजनी नगरपालिकामा ब्राउन सुगर सहित २ जनालाई सोमबार प्रहरीले पक्राउ गरेको छ । पक्राउ  परेका दुवै जना बिरुद्ध  ब्राउन सुगर शीर्षकमा कैलाली जिल्ला अदालतमा मुद्धा दर्ता गरि टप अनुसन्धानको समय पनि प्रहरीले लगिसकेको  जिल्ला प्रहरी कार्यालय कैलालीले जनाएको छ ।

भजनी नगरपालिका वडा नम्बर ५ दुधवापाटा स्थित सडक खण्डमा बिशेष सुचनाका आधारमा चेकजाँच गर्दा से ७ प ८६४७ नम्बरको स्कुटरमा सवार दुइृ जनालाई ५ ग्राम लागु औषध ( खैरो हिरोइन) सहित पक्राउ गरिएको जिल्ला प्रहरी कार्यालय कैलालीका प्रवक्ता प्रहरी नायब उपरिक्षक प्रतिक बिष्टले जानकारी दिए ।

पक्राउ  पर्नेमा भजनी नगरपालिका वडा नम्बर १ गौनियाका २८ बर्षीय गणेश कोली र  वडा नम्बर २ रजवाराका बर्ष ३२ का मनोज मल्ल रहेका छन् ।