एसएसबीले बोसार खेती लगाउन दिने सहमतिपछि विवाद हट्यो

महेन्द्रनगर । कन्चनपुर जिलाको दोधारा चाँदनी नगरपालिकाको सुन्दरनगरमा नेपाली किसानलाई  खेती गर्न सहमतिपछि तत्कालका विवाद समाधान भएको छ ।

भारतीय सीमा सुरक्षाबल (एसएसबी) र नेपाली प्रशासनिक सुरक्षा निकायबीच भएकको वार्तामा नेपालीलाई बेसार लगाउन दिने सहमति भएको हो  ।

भारतीय एसएसबीले सुन्दरनगरस्थित नारायण अधिकारीलाई बेसार खेती लगाउन नदिएपछि स्थानीयसित विवाद बढेको थियो । विवाद बढेपछि सीमावर्ती क्षेत्रमा तनाव उत्पन्न हुने चिन्ता बढेको थियो ।

सीमामा तानव बढेपछि सुरक्षा अधिकारीले भारतीय एसएसबीसित छलफलका लागि पहल गरेका थिए ।

बुधबार कन्चनपुरका प्रमुख जिल्ला अधिकारी राम कुमार महतो, सशस्त्र प्रहरी उपरीक्षक बीर बहादुर ऐर र एसएसबीका अधिकारीबीले सुन्दरनगरमा छलफल गरी विवाद हल गरेका हुन् ।

छलफलमा सहभागी सुरक्षा अधिकारीहरुका अनुसार भारतीय एसएसबी स्थानीय अधिकारीलाई बेसार लगाउन दिनेमा सहमत भएको छ ।

एसएसबीले अधिकारी परिवारले बेसार खेती लगाउँदै आएको क्षेत्र दशगजा क्षेत्रमा पर्ने दाबी गरेको छ । अधिकारी परिवारले भने जग्गाधनी पूर्जा भएर खेतीपाती गर्दैै आएको बताएका छन्न् ।

यसअघि पनि एसएसबीले अधिकारी परिवारलाई खेतीपाती गर्न अवरोध गरेको थियो । दुई वर्ष अघि सुन्दरनगरमा दशगजाको बाटो प्रयोग सम्बन्धी विवादलाई दिएर तानव उत्पन्न भएको थियो ।