बबइ नदीको तटीय क्षेत्रमा सतर्कता अपनाउन आग्रह

काठमाण्डौं । जल तथा मौसम विज्ञान विभागले बर्दियाको बबई नदी तटीय क्षेत्रमा बसोबास गर्नेहरुलाई आज रातिसम्म सतर्कता अपनाउन आग्रह गरेको छ । 

जल तथा मौसम कार्यालय कोहलपुरले बिहीबार दिउँसो सूचना जारी गर्दै बबई नदीमा तत्काल ठुलो खतरा नदेखिए पनि रातिसम्म सतर्कता अपनाउन अनुरोध गरेको हो ।

‘बबई नदीको चेपाङ बर्दियाको बाढीमापन केन्द्रमा जलसतह सतर्कता तह पारे गरेको र बढ्दै गरेको, तत्काल ठुलो खतरा नदेखिएको भएता पनि बबई तटीय क्षेत्रमा हुनेहरुले रातिसम्मै सतर्कता अपनाउन अनुरोध छ ।’ जलमौसम शाखा कोहलपुरले जारी गरेको सूचनामा भनिएको छ ।