अछाममा प्रहरीद्धारा  वडा अध्यक्ष पक्राउ

धनगढी ।  मदिरा सेवन गरि विवाद गरेको आरोपमा प्रहरीले अछाममा एक जना वडा अध्यक्षलाई नियन्त्रणमा लिएको छ । पक्राउ पर्नेमा पञ्चदेवल विनायक नगरपालिका वडा नम्बर ८ का वडा अध्यक्ष तारा प्रसाद खनाल रहेको जिल्ला प्रहरी कार्यालय अछामले जनाएको छ ।

पञ्चदेवल विनायक नगरपालिकाको केन्द्र विनायक बजारस्थित एक होटेलमा मदिरा सेवन गरेर होटेलका सञ्चालकमाथि हातपात गरेको आरोपमा उनलाई पक्राउ गरिएको जनाएको हो । 

महिलामाथि अभद्र व्यवहारसमेत गरेको पिडीतको गुनासोका आधारमा खनाललाई बुधवार राति नै नियन्त्रणमा लिइएको जिल्ला प्रहरी कार्यालय अछामले जनाएको छ ।

पीडित र अध्यक्षबीच छलफलका आधारमा  विवाद समाधान गर्न जिल्ला प्रहरी कार्यालयमा छलफल भैरहेको छ ।