बैतडी सदरमुकाम आजदेखि असार १६ गते सम्म सिल

बैतडीको सदरमुकाम क्षेत्र आजदेखि सिल गरिएको छ । कोरोना संक्रमितको संख्या बढ्दै गएपछि दशरथचन्द नगरपालिका सील गरिएको हो ।

      नगरपालिकाले आजदेखि असार १६ गतेसम्म सिल गर्ने निर्णय गरेको नगरपालिकाका प्रमुख नरेन्द्र सिंह थापाले जानकारी दिए ।  अत्यावश्यक खाद्यान्न, दुधका ट्यांकर, एम्बुलेन्स लगायतका साधनहरु सञ्चालन हुन पाउने नगरप्रमुख थापाले बताए ।

  सामाजिक दुरी कायम गर्दै औषधि पसल खोल्न पाइने, जन्ती र ब्रतबन्धमा १५ जनासम्म सम्मिलित हुन पाइने नगरपालिकाले प्रकाशीत गरेको सूचनामा उल्लेख गरिएकोे छ । यस्तै नगरपालिकाभित्रका बैङ्क तथा वित्तीय संस्था हप्ताको ३ दिन आइतबार, मङ्गलबार र बिहीबार खोल्न सकिने उल्लेख गरिएको छ ।

  दशरथचन्द नगरपालिकामा अहिलेसम्म कोरोना सङ्क्रमितको सङ्ख्या २९ पुगेको छ । यसअघि बैतडीकै पाटन नगरपालिकाले पनि असार ८ गतेदेखि १५ गतेसम्मका लागि बजार क्षेत्र सिल गरिसकेको छ ।