ट्याङ्कर दुर्घटना हुँदा चालक र सह–चालक घाइते

धनगढी

कैलालीको गोदावरी नगरपालिकामा ट्याङ्कर दुर्घटना हुँदा चालक  र सह–चालक घाइते भएका छन् ।

जिल्ला प्रहरी कार्याल कैलालीका अनुसार गोदावरी नगरपालिका –१ मनहरा पुल नजिक ना ७ ख २७४९ नम्बरको खाली ट्याङ्कर दुर्घटना भएको हो ।

दुर्घटनामा चालक डडेल्धुराको गन्यापधुरा गाउँपालिका –१ का २३ वर्षीय पुरन देउवा र सह चालक २१ वर्षीय नवीन मल्ल घाइते भएका जिल्ला प्रहरी कार्यालय कैलालीले जनाएको छ ।

घाइते दुवै जनाको अत्तरियास्थित पद्मा अस्पतालमा उपचार भइरहेको र अवस्था सामान्य रहेको जिल्ला प्रहरी कार्यालय कैलालीका प्रबक्ता, प्रहरी नायव उपरिक्षक प्रतिक विष्टले बताए ।

दुर्घटना भएको ट्याङ्कर सडकबाट करिब १० मिटर तल खसेको थियो ।