कैलाली प्रहरीले थाल्यो ‘तपाईंको मास्क खोइ ?’ अभियान

धनगढी । जिल्ला प्रहरी कार्यालय कैलालीले ‘तपाईको मास्क’ खोई < अभियान सञ्चालन गरेको छ ।

कोरोना संक्रमणको तेश्रो लहर सुरु भएको भन्दै प्रहरीले सवै नागरिकलाई मास्क अनिवार्य गराउने उश्यले अभियान सुचारु गरेको जनाएको छ । ‘पछिल्लो समय संक्रमणदर बढ्नथालेको छ’ जिल्ला प्रहरी कार्यालय कैलालीका प्रमुख प्रहरी उपरिक्ष विश्व अधिकारीले भने–‘तर नागरिकले मास्क लगाउन छाडेका छन्, अव मास्क अनिवार्य गराउने हाम्रो उद्देश्यहो ।’

अभियान उद्घाटन गर्दै सुदूरपश्चिम प्रदेशका सामाजिक विकास मन्त्री लालबहादुर खड्काले कोरोना संक्रमणबाट बच्न मास्क अनिवार्य लगाउन नागरिकलाई आग्रह गरेका छन् ।

‘अहिले प्रहरीका लागि मात्रै मास्क लगाइदिए जस्तो भएको छ’ मन्त्री खड्काले भने–‘मास्क प्रहरी वा अरु कसैका लागि लगाउनुभन्दा पनि रोगबाट बच्न मास्क अनिवार्य छ ।’ उनले कैलाली प्रहरीले थालेको अभियान प्रदेशभर लागु गरिने बताए ।

धनगढी उप–महानगरपालिकाका मेयर नृपबहादुर वडले कडाईका साथ अभियान लागु गर्न आग्रह गरे । उनले अटेरी गर्नेलाई नियम अनुसार कारवाही गर्न पनि आग्रह गरे ।

जिल्ला प्रहरी कार्यालय कैलालीका प्रमुख प्रहरी उपरिक्षक विश्व अधिकारीले अभियानलाई कडाईका साथ लागु गर्ने बताए । उनले ड्युटिमा बसेका प्रहरीको घाँटीमा अभियानको कार्ड राखिने र मासक नलगाई हिड्ने जोकोहीलाई एक सय सम्म जरिवाना गरिने बताए ।

अभियान सुरु भएसँगै बजार क्षेत्रमा मास्क नलगाएर आवतजावत गरिरहेका सर्वसाधारणलाई ५ सय थान मास्कसमेत वितरण गरिएको छ ।