जीप दुर्घटना परी तीन जनाको मृत्यु

धनगढी । रामेछापमा जीप दुर्घटना हुँदा तीन जनाको मृत्यु भएको छ ।

बिहीबार बिहान रामेछाप स्थित मन्थली नगरपालिका वडा नम्बर ६ हात्तिसार कुनौलीबाट जीप खसेर दुर्घटनामा परेको जिल्ला प्रहरी कार्यालयका प्रहरी निरीक्षक श्रीशंखर श्रेष्ठले बताए ।

प्रदेश नम्बर ३ –०१–०२३–च–३५१३ नम्बरको जीप सडकबाट ६–७ सय मिटर तल खसेको उनले बताए । घटनास्थलबाट एक जना बालकको उद्दार गरिएको छ ।

मृत्यु हुनेमा ओखलढुंगा घर भएका अन्दाजी ३४–३५ वर्षीय लक्पा शेर्पा र उनकी श्रीमती फुरूबाको मृत्यु भएको छ । अर्का एक जनाको भने पहिचान खुलेको छैन । घाइते बालक अन्दाजी १२ वर्षीय पेम्बा शेर्पा छन् । उनी गम्भीर अवस्थामा रहेको प्रहरीले जनाएको छ ।