हरिपृया–प्रकाश फाउन्डेसनद्वारा सञ्चारकर्मीलाई स्वास्थ्य सौन्दर्य सामग्री प्रदान

धनगढी

 हरिपृया–प्रकाश फाउन्डेसनले धनगढीमा कार्यरत  सञ्चारकर्मीलाई अषाढ १५ को पुर्ब सन्ध्यामा आईतबार धनगढीमा स्वास्थ्य सौन्दर्य सामग्री प्रदान गरेको छ ।

     नेपाल पत्रकार महासंघ कैलाली शाखाको भवनमा स्वास्थ र सौन्दर्य सामाग्री फाउण्डेसनका संचालक एकं युवा नेता क्षितिज भण्डारीले बितरण गरेका हुन् । 

     पत्रकार महासंघका अध्यक्ष जगत साउदको सभापतित्वमा सम्पन्न कार्यक्रममा कोरोनामा ज्यानको जोखिम मोलेर पनि फ्रन्टलाईनमा काम गरिरहेका ८ सञ्चारकर्मीलाई पिपिई, फेस सिल्ड, सेनेटाईजर सहित विशेष सम्मान गरिएको युवा नेता क्षितिज भण्डारीले बताए ।

    हरिपृया फाउन्डेसनले १० हजार नागरिकको अनुहारमा मुस्कान ल्याउन स्वास्थ्य सामाग्री सहित सौन्दर्य सामाग्री र जुस राखेर मायाको कोसेली बितरण गर्दै आएको नेपाली काँग्रेस कैलालीका युवा नेता नृप सुनारले बताए ।

     फाउन्डेसनले कुनै आर्थिक संकलन नगरिकन सामाजिक सेवाभावले नेपाली तथा बिदेशी नागरिक, पत्रकार सहित १० हजार अनाथ, असाहय, बिपन्न, दलित अनि बिशेषत काठमाडौमा अडकिएका सुदुरपश्चिम र कर्णाली प्रदेशका वालवालिकालाई लाखौंको राहत बितरण गरेको जनाएको छ ।